بعد ساعات .. رامي جمال يكشف كواليس جديدة عن مرضه على السوشيال ميديا
يستعد الفنان رامي جمال خلال الساعات القليلة القادمة لنشر فيديو عبر صفحاته الرسمية علي موقع التواصل الإجتماعي «فيسبوك» و«إنستجرام»، يتحدث فيه عن مرض البهاق الذي يعاني منه، كما يقدم خلال الفيديو شكر خاص لجمهوره الذى حرص على دعمه، وأيضًا للفنانين والمشاهير الذي دعموه بشكل شخصي أو عبر السوشيال ميديا.
وقد كشف رامي جمال عن مرضه أمس وكتب علي «فيسبوك»: الحمد لله الذي أحبني فابتلاني، وقدرني علي الصبر، من فترة ظهرت بقع بيضاء في جسمي، وبالكشف عرفت إنه البهاق، وجربت أنواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل».
وأضاف قائلًا: «فعلا بقي بيزيد لدرجة لفتت نظر ناس كتير، اللي بقي يقولي هتتعامل إزاي وأنت فنان، واللي يخاف يسلم، واللي يسألني هو ده معدي، أنا بقالي سنه فعلًا لو عندي حفلة أو تصویر بتعب على ما أشوف طريقة أخفيه بيها لدرجة خلت ناس تقولي شوف بيزنس تاني إعمله علشان الناس مش هتقبلك كده».
وتابع: «فكرت في كلامهم بصراحة، ولقيت إن عندي حلين، یا فعلا شكرا لحد كده على الشغلانة دي رغم حبي ليها وعدم معرفتي بغيرها، یا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إنه شكله غريب، الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قلت أشرككم في حياة فنان».
