بالفيديو .. نجوم أولاد حريم كريم : الفيلم مختلف عن الجزء الأول وهيكون مليان ضحك

يواصل مصطفى قمر تصوير فيلمه الجديد أولاد حريم كريم، وذلك بعد مرور 18 عامًا على تقديم الجزء الأول من العمل.

كاميرا خبر أبيض إلتقت بأبطال العمل للحديث عن الجزء الجديد، وقال مصطفى قمر : الجزء الجديد مميز جداً وفي حاجات كتير مختلفة، ووجود عمرو عبدالجليل معانا إضافة قوية، ودوره مميز مش بيكمل شخصية حد في الجزء الأول، كمان خالد سرحان بيقدم كوميديا جديدة وشايل مسؤولية كبيرة، وكمان داليا البحيري وعلا غانم وبسمة بيعملوا أدوار قوية، ده غير الأجيال الجديدة.

وقالت داليا البحيري : عندنا جيل جديد هما أولاد حريم كريم، ونشوف الفروقات بينا عاملة إزاي بعد ما كل الأطفال اللي كانوا معانا في الجزء الأول كبروا، وتابعت بسمة : توقعاتي إن الفيلم هيبقى ممتع لأي حد اتفرج على الجزء الأول أو اللي متفرجش عليه.

فيلم أولاد حريم كريم، بطولة مصطفى قمر، داليا البحيري، علا غانم، خالد سرحان، بسمة، عمرو عبدالجليل، تيام مصطفى قمر، ورنا رئيس، ومن تأليف زينب عزيز، إخراج علي إدريس، وإنتاج بشرى. 

شاهد الفيدو التالي …