بشرى من مهرجان الأقصر : كافحت كتير لأن مشواري الفني كان صعب وأنتجت 14 فيلماً

بدأت منذ ساعات ندوة تكريم بشرى على هامش فعاليات مهرجان الأقصر للسينما الأفريقية، وذلك بحضور كل من سلوى محمد على والمنتجة إيمان حميدة، وتحدثت خلالها عن بدايتها في الفن.

وقالت بشرى خلال الندوة عن بدايتها في مشوراها الفني : لما ابتديت المشوار كان صعب وكافحت وأنتجت 14 فيلم والصناعة محتاجة سيدات أكثر قوة في اتخاذ القرار.

وأضافت: حاليًا إحنا فى مرحلة حرجة جداً لأننا مقيدين بسبب المحتكر الخارجى اللي هيشترى مواضيع معينة وده بنواجهه بشده والكاتب نفسه بيضطر يحجم فكره وكتابته لأن لو كتب للفنانات كبار فى السن محدش هيتشجع من المنتجين.

وتابعت : فى مصر عندنا بنات كتير مش متجوزة وفى شباب زى الورد عاوز يتجوز المشكلة الكبرى فى دور الخاطبة إنها توفق الاثنين معًا، دلوقتى السينما محتاجة حد يلعب الدور اللى بتلعبه الخاطبة محتاجة شخص بيربط بين المشروع الجيد بالشاشة الجيدة والتوزيع.

وأضافت المنتجة إيمان حميدة : فيلم ورد مسموم أنتجته من خلال الشركة التي يمتلكها والدي محمود حميدة، وواجهت في الفيلم صعوبة ومسئولية كبيرة وكان تحدى صعب، وترك لي والدي مساحة أتحرك فيها وزوجى أحمد فوزى صالح وقتها كان مؤلف الفيلم ويرفض وجودي في لوكشين التصوير بالمدبغ لكن اتحديت ونزلت.

وكان آخر ظهور لـ بشرى في السينما من خلال فيلم معالي ماما، الذى يضم محمد جمعة، والأطفال نور إيهاب، سولي، ياسين، إلى جانب سليمان عيد، شيماء سيف، سامي مغاوري، طاهر أبو ليلة، وريهام الشنواني، تأليف نادر صلاح الدين وإخراج أحمد نور.