بالفيديو : عمرو منسي في حوار خاص لـ خبر أبيض .. كيف كانت البداية ؟
تحدث عمرو منسي، لاعب الإسكواش السابق، عن كواليس تأسيس بطولة الجونة الدولية للإسكواش، والتي أصبحت من أهم بطولات اللعبة في العالم.
وقال منسي في تصريح خاص لكاميرا خبر أبيض : كان في هدف عايز أعمله للإسكواش، وكنت عايز أعمل بطولة عالمية كبيرة، وأحط مصر على الخريطة لاستضافة أحداث رياضية، وأفيد اللاعيبة بتاعتنا، وقتها مكنش فيه لغة الحوار بين الوزارات والقطاع الخاص، لكن دلوقتي في انفتاح ودعم كبير من الدولة للشباب.
وتابع : اللي ساعدني في تأسيس البطولة هو إني مش بفكر في الطريق، لأن 99% من الناس اللي عندهم أفكار 1% فقط منهم بينفذوا أحلامهم، ووقتها مكنش عندي خبرة في البيزنس أو علاقات، وأنا في أول المشوار وواجهت صعوبات كتير تخليني أوقف، وصحابي وأمي مكانوش مقتنعين باللي بعمله، وكان عندهم حق لأن إمكانياتي متسمحش بده، بس أنا مؤمن بالطاقة وشوفتها على مدار حياتي كتير، إن لما تكون شايف حاجة ومؤمن بيها جداً، الكون كله بيسعي إنه يحققها لك، وده مش كلام كتب.
وأضاف : دخلت عالم البيزنس بالخبرة، وعملت شركة في إسكندرية، وكنت بمرن منتخب مصر للإسكواش، وبعد 5 سنين عملت شبكة علاقات بين الشركات كانوا بيرعوا البطولة.
شاهد الفيديو التالي …
