مي سليم عن شقيقاتها : كل واحدة فينا دماغها صعبة وعنيدة وأمي تعبت معانا في حكاية الزن على الزواج

كشفت مي سليم سبب عدم ارتباطها هي وشقيقتيها دانا حمدان وميس حمدان حتى الآن، وذلك خلال لقائهم ببرنامج كلمة أخيرة، المذاع على شاشة ON وتقدمه لميس الحديدي.

وقالت مي سليم : أنا وأخواتي دماغنا صعبة وعنيدة، ووالدتنا تعبت معانا في موضوع الزن على الزواج، وأختي داليا هي الوحيدة المتزوجة حالياً وتعيش في دبي، لكن والدتنا تعبت معانا ورمت طوبتنا، وقالت في الأخر نختار بمزاجنا.

وأشارت مي سليم أنها لا ترفض خوض تجربة الزواج مرة أخرى، قائلة: التجربتين السابقتين مش مأثرين عليا ومش قافلة الباب، بالعكس عاوزة أتجوز وأخلف تاني، وليلى بنتي دلوقتي عندها 11 سنة ونفسي يبقى عندي ولد.

أما دانا حمدان، فقالت خلال اللقاء : مفيش شخص قابلته وصلني لمرحلة الحب، ممكن  يبقى فيه تعود وانبساط وكمياء لكن لم أقابل من يوصلني لحالة أن أقول له كلمة بحبك.

وتحدثت ميس حمدان أيضا عن تجربتها مع الحب، قائلة : أنا زي أي بنت حبيت ولبست في الحيط، وحبيت مرتين لكني مؤمنة أن ده الشيء الوحيد اللي مالوش تخطيط.

وتابعت : ممكن اللي حبتهم قبل كدة أصبحوا غير مناسبين لمتطلباتي، لكن زي أي بنت مريت بتجارب حلوة ووحشة، مشيرة إلى أن تجربتي شقيقتها مي سليم في الزواج لم يؤثرا عليها أو على شقيقتها دانا حمدان.