أنغام بعد أزمة مرضها : الناس صلوا لي وولعوا الشموع في الكنائس وأصعب لحظة لما فتحولي بطني
كشفت أنغام تطورات حالتها الصحية بعدما خضعت لعملية جراحية خلال الفترة الماضية، والتي أدت لدخولها المستشفى، قبل تعافيها خلال الأيام القليلة الماضية.
وقالت أنغام في مداخلة هاتفية مع لميس الحديدي ببرنامج كلمة أخيرة : دعاء الجمهور وصلواتهم وصلني، وكانوا بيولعوا لي شموع في الكنائس، ويبعتولي وأنا حقيقي حاسة إن المحنة بقت منحة، وما مررت به كان علقة كبيرة.
وتابعت : ولادي كانوا تعبانين أوي علشاني، وعمر كان جنبي على طول مش بيسبني، وأصعب لحظة عشتها لما قالوا لازم نفتح بطنها تاني، وفيه حاجة من عند ربنا حصلت.
وعن تخوفاتها خلال فترة مرضها، قالت : كنت خايفة أروح في النوم مقدرش أتنفس وفضلت خايفة أنام من صعوبة التنفس، وكانت أصعب اللحظات، وربنا مابيكتبهاش على حد، وأوضحت أنها تعرضت لكوابيس كثيرة رفضت أن تكشف تفاصيلها قائلةً : عشت كوابيس صعبة، مش عايزة أخوفكم منها.
