بالفيديو : في عيد الحب المصري .. إعرف سبب رفض رانيا يوسف للزواج والحب والرجالة

يحتفل عدد كبير من النجوم، اليوم 4 نوفمبر، بعيد الحب المصري، وتحدثت رانيا يوسف لكاميرا خبر أبيض في هذه المناسبة عن سبب رفضها للزواج والحب والرجالة، وقالت في تصريح خاص : بقالي فترة واخدة قرار إن أنا مش عايزة أعكنن عليّ حياتي، والرجالة بيعكننوا علينا حياتنا.

وتابعت : الراجل دايمًا بيبقى فرفوش أول 3 شهور وبعدها بيتغير، ومبحبش عقليات الرجالة الشرقيين، و99 % منهم بيرحبوا بفكرة الست اللي بتشتغل وبعدها بيضايقوا من شغلها ونجاحها.

وأضافت : هما بيكونوا عايزين يتجوزوا رانيا يوسف الفنانة، مش رانيا سيد محمد، لأنه مش بيعرفني على طبيعتي، وبعد شوية بيكتشف إني قاعدة في البيت من غير ميك أب، ولا أعمل شعري يعني ست طبيعية، فبيتخض ويقول مش هي دي الست اللي بتلبس الفساتين.

أنا مركزة جدًا في شغلي وفي بيتي ومع بناتي، ومش أي حد هيقدر يستحمل ظروف شغلي الصعبة جدًا، ويديني مساحتي الشخصية، لازم يكون مقدر قوي ظروفي وتوقيتات شغلي.

شاهد الفيديو التالي …