رامى عياش وفيفي عبده وصبا مبارك ومى حريرى يدعمون هيفاء بعد التنمر على صورتها : هتفضل قمر وبلاش نتكلم بجهل
تصدرت هيفاء وهبي تريندات السوشيال ميديا، وذلك بعد ظهورها بملامح مختلفة أثناء حفلها الغنائي في موسم الرياض مع إليسا، وتلقت دعم من بعض نجوم العرب والوطن العربي ضد حملة التنمر التى شنها البعض بحقها، وأبرزهم صبا مبارك ورامي عياش وفيفي عبده.
حيث شاركت فيفي عبده فيديو عبر ستوري إنستجرام، تقول فيه : متضايقة أوي من اللي بيتقال عن هيفاء، يا جماعة هيفاء زي القمر مش عايزة كلام وهي من الستات الباربي، الإضاءة ما كانتش جيدة، هي خاسة شوية وده لوك ومن حقها تغيّر من شكلها، أمال بتقلدوا الفنانين لية، إيه ده يا جماعة ؟ ليه كل السخرية والانتقادات ؟ إيه اللي عملته هيفاء ؟، بسيطة المكان غير مناسب للتصوير عشان الأمن.
وقالت صبا مبارك أثناء لقائها في برنامج الحكاية مع الإعلامي عمرو أديب، علي قناة MBC: في قسوة في تعامل المجتمع مع سن المرأة، فجأة يقولك دي تخنت، كبرت، تجاعيدها ظهرت والدليل اللي حصل مع هيفاء وهبي من يومين، هيفاء وهبي زي القمر وحلوة جدًا وواضح أنها واقفة في مكان إضاءته وحشة، ودي حاجات الناس مبتستوعبهاش أوي، وأنا مبستحملش التنمر عامة.
وتابعت: لو شخص مش عاجبك شكله متبصش عليه، وسيبوا الناس في حالها، وفي كلام ممكن يجرح، الشخصيات العامة بني آدمين وصعب نجرحهم طول الوقت وكمان مينفعش نتكلم بجهل، فهيفاء وهبي بعد دقايق من الصورة كانت نجمة على المسرح، وعمومًا أنا مبحبش التنمر على الفنانات.
وأيضا نشر رامي عياش صورة لهيفاء وهبي عبر تويتر، معلقا: الجمال من الطبيعي إنه يحرق عيون كتار، لترد عليه هيفاء وهبي : حبيبي يا رامي انت رجل حقيقي.
وكذلك نشر حمو بيكا صورة تجمعه بهيفاء وهبي على فيسبوك، وكتب: مهما بتكبري بتحلوي في عنيا أنا شايفك مزة.
