ليلى علوي لـ شيرين عبدالوهاب : بناتك على راسنا وحبنا ليكي هيخليكي أقوى
أعلن عدد كبير من نجوم الفن عن دعمهم لـ شيرين عبدالوهاب بعد أزمتها الأخيرة، بعد إعلان دخولها المستشفى لتلقي العلاج، وشاركت ليلى علوي منشور لها عبر حسابها على فيسبوك صورة لـ شيرين، متمنية لها تخطي محنتها.
وكتبت ليلى : شيرين عبدالوهاب قامة فنية واسم مهم جدًا في مجال الطرب، من أول معرفتي بيكي وأنا بحبك ومتأكدة من حب كل اللي بتقابليهم ليكي لقلبك الطيب وللخير اللي بتقدميه وموهبتك الفذة.
وتابعت : لكن دلوقتي حبك في قلوبنا بقى أكبر وبقيتي أغلى وأغلى، وحبنا اللي بيكبر هو اللي هيخليكي أقوى وترجعي أحسن كمان من الأول، أنا واثقة جدًا من ده، لحد ما تقومي من محنتك، ومن بعدها كمان بناتك على راسنا، وعيلتي هي عيلتك، بنحبك أوي.
وجدير بالذكر أن خبر أبيض قد كشف عن عدد من يوميات شيرين عبدالوهاب في المستشفى، أبرزها أنها بدأت العلاج خلال الأيام الماضية، وحالتها النفسية مستقرة، وأنها تتردد على جيم المستشفى يوميًا، وتتعامل مع الموجودين معها بشكل طبيعي، كما تحرص على التوجه لغرفة الفنون، وأن أكثر أكلة تطلبها هي البيض المسلوق.
وقام عدد من النجوم بدعم شيرين في الأيام الماضية منهم منة شلبي، التي قالت : سيبوها في حالها وادعولها، فكروا فيها كفنانة وفكروا في موهبتها، لأنها في النهاية إنسانة وممكن تمر بمراحل هبوط وصعود، ومن الممكن أن تخطئ.
وقالت سميرة سعيد عن صديقتها شيرين : زي ما بعرفك أنت قوية، ومتأكدة إنك هتعدي الظروف دي بسرعة وبقوة، ارجعي لينا، واحنا معكِ في كل خطوات حياتك، مهما كانت صعوبتها، بنحبك، أما دياب فقال : أتمنى ترجلعنا بالسلامة وتتخطى أزمتها، وهي عشرة عمري وأكلنا سوا عيش وملح من أيام شغلنا في فري ميوزيك مع نصر محروس.
