مصطفى كامل : شيرين عبدالوهاب تعبانة حاليًا وحالتها تزعل ومقدرش أحقق مع حسام حبيب
كشف مصطفى كامل نقيب المهن الموسيقية خلال مداخلة هاتفية لـ برنامج كلمة أخيرة، مع لميس الحديدي عن سبب رفضه التحقيق مع حسام حبيب في أزمته الأخيرة مع شيرين عبدالوهاب.
وقال كامل : لا أستطيع التحقيق مع حسام حبيبب لأنني لست جهة قضائية أو نيابية، ولا حد جاني ولا شيرين جاتلي ولا حد من أهل شيرين جه اشتكى في حاجة، فأنا مش عايز أدخل طرف لأني قاعد على كرسي مش سهل.
وتابع : شيرين أنا بحبها على المستوى الشخصي لأنها صوت لا يختلف عليه أحد، وشيرين عبدالوهاب تعبانة وحالتها تزعل أي شخص وأنا زعلان عشانها.
وأضاف مصطفى كامل : النقابة العامة في ضهر شيرين نفسيا وأدبيا ومعنويا وكل حاجة في صالح شيرين احنا هنعملها، وعلى المستوى الشخصي أنا تحت أمرها.
وكانت أزمة شيرين عبدالوهاب تصدرت تريندات السوشيال ميديا ومحرك البحث جوجل، بعد تصريحات شقيقها محمد عبدالوهاب ووالدته خلال مداخلة هاتفية في برنامج الحكاية مع عمرو أديب، حيث كشفا عن معاناة شيرين من إدمان المخدرات وإيداعها إحدى المستشفيات للعلاج.
وتداول رواد السوشيال ميديا، تسجيل صوتي مسرب لـ حسام حبيب، طليق شيرين، قال فيه : شيرين دي أكبر غلطة في حياتي، واتصدمت فيها صدمة عمري، ومش عايز أسمع اسمها تاني ولا عايز أشوفها في حياتي تاني، وتنسى إنها عرفت واحد اسمه حسام في حياتها.
