عفاف شعيب : أنا وش السعد على محمد رمضان ودعيت علي واحدة وعايشة عاجزة لحد دلوقتي

حلت عفاف شعيب ضيفة على برنامج كلام الناس، الذي تقدمه ياسمين عز، عبر قناة mbc مصر، وتحدثت عفاف عن العديد من الأسرار في حياتها الشخصية، منها معانتها من السحر والشعوذة، كما تحدثت عن كواليس أخرى في حياتها الفنية.

وقالت عفاف : حضرت فعاليات مهرجان القاهرة للدراما بالأمس، والأجواء كانت جيدة، لكن كان هناك عدد من النجوم الكبار يستحقون التكريم، منهم سميرة عبدالعزيز وفردوس عبدالحميد والمخرج محمد راضي وخالد زكي، وغيرهم، وأنا كُرمت كتير خلال مسيرتي من أكثر من دولة، ومش لاقية مكان للجوائز في البيت.

 واستكملت : المرأة المحجبة تهتم بشكلها وأناقتها، والحجاب لا ينقص من جمالها، وأنا خايبة وحظي وحش في الزواج، وعانيت من السحر والشعوذة في حياتي كتير، ومرة واحدة عملت لي عمل ودعيت عليها، وبعدها عملت حادثة وعايشة عاجزة لحد دلوقتي، وهي مش شخصية عامة.

وأضافت : رجاء حسين كانت صديقتي المقربة، وقلبي موجوع على رحيل هشام سليم، ومن قبله زوجة خالد زكي، وبقالي فترة بعيدة عن الوسط الفني، وبقرب من ربنا عشان يكتبلي حسن الخاتمة.

وعن رأيها في محمد رمضان، تابعت : لم أهاجمه كما تردد على السوشيال ميديا، وهو محترم جدا  واشتغل معايا في مسلسل دوران شبرا في بداية مشواره، وكنت بروح أصلي ويجي يقولي خديني معاكي أصلي أنا كمان، وأنا وش السعد عليه زي مانا وش السعد على ناس كتير. 

وسبق وعلقت عفاف شعيب في تصريحات تليفزيونية عن إمكانية تجسيدها للسيرة الذاتية لـ شادية، وقالت : هو فيه حد زي شادية، جميلة الجميلات، دي بقى الأسطورة، لا مش هوافق طبعا، مفيش شبه بيني وبينها تماما وكانت بتحبني جدا وكان فيه تواصل بيني وبينها وصعب إني أعمل ده.