عفاف شعيب : الخيانة سبب طلاقي وأرفض تجسيد شخصية شادية لأني مش شبهها
كشفت عفاف شعيب، تفاصيل طلاقها، وتجسيدها لشخصية الراحلة شادية في عمل فني، وذلك خلال استضافتها ببرنامج البخت، من تقديم خلود عزمي عبر قناة الشمس.
وقالت عفاف شعيب عن إمكانية تجسيدها للسيرة الذاتية لشادية : هو فيه حد زي شادية، جميلة الجميلات، دي بقى الأسطورة، لا مش هوافق طبعا، مفيش شبه بيني وبينها تماما وكانت بتحبني جدا وكان فيه تواصل بيني وبينها وصعب إني أعمل ده.
ورفضت عفاف شعيب ارتدائها للباروكة خلال الأعمال الفنية، قائلة : مش هلبس باروكة في أي عمل وده اسمه تحايل على الدين، ومليش دعوة بغيري هما أحرار، فيه ناس نصحوا واحدة أعرفها وقالوا لها عادي.
وأشارت عفاف شعيب خلال حديثها إلى أن الخيانة كانت السبب وراء طلاقها، كما تحدثت عن تريند عدم إلزام الزوجة بحقوق تجاه زوجها، وقالت : الله يسامحهم، لإن ده خراب بيوت، إيه الكلام الفاضي ده، اللي بيتكلموا دول دارسين إيه؟ فهموا دينهم كويس؟ المرأة ليها حقوق والراجل له حقوق.
وتابعت شعيب خلال اللقاء : العصمة لازم تكون في أيد الراجل، أنا ماشية بتعاليم ربنا وسنة الحبيب محمد، ونسب الطلاق عالية عشان مفيش حد يوجههم والبرامج الدينية اختفت تماما.
