محمد لطفي : محمد علي كلاي قالي متقدرش تلاعبني بوكس وكنت أقرأ قرآن كل يوم علشان صوتي يرجع بعد فيلم كباريه
حل محمد لطفي، ضيفًا على عمرو الليثي، في برنامج واحد من الناس، الذي يعرض عبر شاشة الحياة، وكشف خلال لقائه كواليس تعاونه مع الراحل أحمد زكي في فيلم كابوريا، بالإضافة لحديثه عن العديد من أسراره الشخصية.
وتحدث لطفي خلال اللقاء عن كواليس لقاءه بمحمد علي كلاي، قائلا: لو استكملت مشواري مع الملاكمة لم أكن لأتفرغ للتمثيل لأنها رياضة محتاجة تفرغ، وكنت بمارس الملاكمة في شبابي، وفاكر إن أي حد يلعب بوكس هيلعب مع محمد علي كلاي.
وتابع: لما قابلت محمد علي كلاي على هامش البطولات العسكرية للملاكمة، بلغته إني كنت نفسي ألعب معاه في بداياتي، قالي ولا تقدر تلعب معايا دلوقتي، ولو خُيرت بين الملاكمة والتمثيل سأختار التمثيل.
أما عن كواليس فيلم كباريه، وتغييره لصوته فقال: حبيت أعمل شرخ في نبرة صوت الشخصية في الفيلم، وكان الأمر مخاطرة كبيرة، وكل الأطباء شعروا وقتها بالقلق لتأدية الدور، وفي دكتور قالي صوتك مش هيرجع تاني وكنت بقرأ قرآن كل يوم علشان يرجع مرة تانية.
وتطرق لطفى خلال حديثه لعلاقته بالراحل أحمد زكي، قائلا: كان له دور فعال ومؤثر في حياتي حتى الآن، وعمري ما حسيت إنه نجم مع اللي حواليه، كان رجل عظيم وفنان عبقري، وكان دايمًا يسأل عليا وكان بيبعتلي أقضي إجازة الصيف معاه، هو وهيثم ابنه في الإسكندرية.
