حسين فهمي : اتأخرنا فى تكريم لبلبة والدورة المقبلة من المهرجان محدش هيلبس اللي عاوزه

كشف حسين فهمي قواعد الزي الرسمي للدورة الـ 44 من مهرجان القاهرة السينمائي، والمقرر إقامتها في الفترة من 13 إلى 22 نوفمبر المقبل.

وقال حسين فهمي مع حوار مع الصفحة الرسمية لمهرجان القاهرة السينمائي : لما جيت المهرجان لقيت أن كل واحد بيلبس اللي هو عايزه، أنا لما حد بيجي لي البيت مش هستقبله بالبيجاما ولكن بحلق دقني، وهلبس كويس.

وأضاف رئيس المهرجان : للأسف الشديد الأمر تطور لأكثر مما كنت متخيل، وتحول الأمر إلى سؤال الفنانات عن الفساتين، وقصة الشعر، ولكن هذا لا يجب أن يحدث في المهرجان.

وتابع حسين : لازم كلنا نبقى ملتزمين بالملابس الرسمية بتاعة كل المهرجانات الدولية، وألان ديلون لما جه المهرجان كان جاي بالبدلة السموكنج على كتفه، وهو ده عادي واللبس اللي إحنا بنتفق عليه دوليًا.

واختتم رئيس مهرجان القاهرة السينمائي الدولي، قائلًا : في الدورة الـ 44، نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا.

وعن تكريم لبلبة وكاملة أبو زكري في الدورة الـ 44، قال : تكريم لبلبلة جاي متأخر ولكنها تستحقه بجدارة وتاريخها حافل وأخذت جائزة أحسن ممثلة في أكثر من عمل، وكاملة قدمت الكثير في الفترة الأخيرة، وهي مخرجة متميزة بأعمالها، وكان من المهم أن تحصل على التكريم.

وقرر مهرجان القاهرة السينمائي الدولي، تكريم لبلبة، بمنحها جائزة الهرم الذهبي التقديرية لإنجاز العمر، وذلك خلال فعاليات دورته الـ 44، بالإضافة لتكريم كاملة أبو ذكري بجائزة فاتن حمامة للتميز.