قبل طرحها .. الكلمات الكاملة لأغنية المترو لـ شيرين عبدالوهاب من ألحان عمرو مصطفى
أعلن عمرو مصطفى، منذ أيام، عبر حسابه على فيسبوك عن تعاونه مع شيرين عبدالوهاب في أغنية جديدة من ألحانه بعنوان المترو، من كلمات أمير طعيمة، وتوزيع نابلسي، وتمثل عودة التعاون بين الثنائي عمرو وشيرين.
وتداول رواد السوشيال كلمات أغنية المترو التي تم تسريبها قبل طرحها، وهي : في محطة المترو وأنا ماشية من يومين .. أنا شوفت حد أنا مش هشوفو مرتين .. بعتت عيونه ضحكة قولت قصده مين أنا أنا أنا .. خد قلبي مني وخطفني خطفة ولاقتني طايرة مع أني واقفة .. مبقتش فاهمة مبقتش عارفة ده عمل في روحي وفي قلبي إيه .. قربلي خطوة وقالي فجأة إيه النظام دقات قلبي سريعة ومن غير انتظام .. وضحكلي نفس الضحكة قولت خلاص تمام أنا أنا .. قبل أما نحكي ونقول كلمتين .. تليفونه رن استأذن وبعد خطوتين في الزحمة تاه من قبل معرف هو مين؟ .. كده كده ..
يذكر أن شيرين وعمرو تبادلا الاتهامات في الفترة الماضية، حيث وصفته شيرين بأنه لا يصلح أن يكون مطرب، مؤكدة عدم إعجابها بصوته، وأنه لا يفقه أي شيء عن الموسيقى، كما قالت : عمرو كان بيجيلي بالجيتار مش علشان يألف لحن، لأ، علشان يطبل على الجيتار بعد ما أشغله مزيكا.
وخرج وقتها عمرو مصطفى للرد عليها من خلال حسابه عبر تويتر، حيث كتب : فعلا الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد، أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك، بعد كده قالولي ممكن توصلها بس في طريقك لـ عباس العقاد، وسعتها رحت غسلت العربية من الريحة.
