أكرم حسني : موسيقى للي فولكلور وليست ملك أحد ومحمد منير قالي متركزش مع حد

حل أكرم حسني، منذ قليل، ضيفًا على برنامج كلمة أخيرة، الذي تقدمه الإعلامية لميس جابر، على قناة ON، وتحدث عن أزمة أغنية للي، التي كتبها ولحنها للكينج محمد منير.

وقال أكرم : أنا بشتغل من 2004، ومكنتش بخرج طوال السنين دي علشان أرد على أي حد، ولكن المرة دي قررت أخرج أرد علشان أطمن جمهور الكينج محمد منير، وكمان علشان دي حاجة بتمس سمعتي، واللي حصل إن في مطرب طلع قال إني استخدمت اللحن بتاعه، وخبراء الموسيقى والقانون هما اللي يفصلوا بينا، ولما المطرب محمود المنسي قال الأغنية دي بتاعته، ولما سمعت الأغنية بتاعته اللي كتبها أحمد سيد طه، لقيتها فولكلور يعني تراث شعبي.

وأضاف : أنا رجعت لأساتذة قانون وقالوا من الممكن أستخدم اللحن، ومن الممكن أكتب عليه فولكلور أو أنسبه لنفسي طالما فيه إضافة وتصرف، وسبق وأن قٌدم اللحن من قبل في فيلم سمع هوس، وإحدى أغاني المطربة خضرة محمد خضر، ومحمود المنسي نسب اللحن والكلمات لنفسه رغم أنها بالكامل فولكلور شعبي.

وعن نصيحة منير له فقال : الكينج قال لي : متركزش مع حد وركز في شغلك، وقد عملت بهذه النصيحة تمامًا لأني أرى أنها خير رد على أية أزمة يمر بها أي شخص.