شيرين عبدالوهاب : حسام حبيب كان بيضربني ويشتمني وكان بينكد عليا لما أعمل حفلة

تحدثت شيرين عبدالوهاب عن تفاصيل جديدة في علاقتها بطليقها حسام حبيب، وذلك خلال مداخلة هاتفية مع برنامج كلمة أخيرة، الذي تقدمه لميس الحديدي على قناة On.

وقالت شيرين : حسام حبيب مش بيشتغل وبيحبسني في البيت 24 ساعة في غرفة نومي، وأنا غلطت في حق نفسي، وكنت بحاول أحافظ على بيتي، ولكن ده مكنش بيت ده عشة فران، وأنا قاعدة في الساحل قالولي عربيتي المرسيدس اللي كاتباها بإسم حسام حبيب اتسرقت.

واستكملت : حسام مكنش بيزور أهله ولا بيعمل حاجة وقاعد في البيت بس وشغلي كان بيدمر، وهو خسرني كل الناس أخويا وأمي وأصحابي والسواق والخدامة، وكان بيضربني ويشتمني وينكد عليا لما أرجع عاملة حفلة أو فرح ناجح، وأضافت : حسام  لازم يتعالج نفسيا لأنه عنده حب امتلاك، وإحنا اتطلقنا لما قصيت شعري طلاق بائن، ولما هديت من الكارثة قولت لازم أديله فرصة تانية لأننا بنحب بعض، وكنت فاكراه إبني مش جوزي بس، وعملت ستوديو علشان نعمل أغانينا فيه.

وأضافت : حسام قالي إنتي تخنتي وأنا عايز واحدة أتباهى بيها قدام الناس، وكان بيضربني ويسحلني على الأرض ويشتمني، ولما رجعت له كان ده بشروط إن كل واحد له بيته، بس المشاكل رجعت تاني، وأنا عندي مشكلة في شخصيتي إني لما بتعصب بأذي نفسي مش غيري.