هنادي مهنا : شائعات انفصالي عن أحمد بتضحكنى وأجلنا قرار الخلفة لإنى لسه بيبي وما ينفعش أبقى أم

كشفت هنادي مهنا عن رد فعلها على الشائعات التي تطاردها هي وزوجها أحمد خالد صالح حول انفصالهمـا، بالإضافة للسبب وراء زيادة وزنها بعد عودتها لمصر من أسبانيا، وسبب تأجيلهما قرار الإنجاب حتى الآن.

وقالت هنادي مهنا خلال لقائها ببرنامج كلمة أخيرة مع لميس الحديدي: لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش.

وتابعت: شائعات انفصالي أنا وأحمد بتضحكني أوي وقلت كويس أنهم مشغولين في الكلام ده ومتخيلين إننا بينا خلافات أحسن ما يحسدونا.

أما عن رشاقتها وصورها على الإنستجرام، فقالت : 99 % من الصور على إنستجرام فلتر، وكلها مش حقيقية والشكل والرشاقة حاجة مش مهمة أبدا، المهم إن البنى أدم يكون مبسوط بنفسه هو من جواه، مش مهم رأى أي حد تاني وببقى راضية عن نفسي ومبسوطة لما بحس إني شكلي عاجبني.

وتحدثت عن الإنجاب، قائلة: إحنا مأجلين الخلفة شوية، لأن أنا أصلا بيبي وصغيرة أوي على أني أبقى أم، مينفعش بيبي يشيل بيبي.