بالفيديو .. رانيا يوسف تهاجم الرجالة : بيعكننوا علينا حياتنا ومدة صلاحية الفرفشة عندهم 3 شهور فقط

غابت رانيا يوسف عن جمهورها منذ مشاركتها في الجزء الثاني من مسلسل اللعبة، وتحضر الفترة الحالية لكثر من عمل فني، من المقرر بدء تصويرهم الفترة المقبلة.

وتحدثت رانيا لـ كاميرا خبر أبيض عن الرجل الشرقي والحب والزواج وحياتها كممثلة، وقالت : أنا لا بدور على زواج ولا حب ولا أي حاجة ومركزة بس في شغلي وبيتي وبناتي، وبقالي فترة واخدة قرار إني مش عايزة أعكنن على نفسي، وبصراحة الرجالة بتعنن علينا حياتنا، والراجل بيبقى فرفوش في أول 3 شهور وبعد كده الدنيا بتتغير.

وتابعت : ظروف شغلي صعبة ومش أي حد هيستحمل الظروف دي، والعقليات الشرقية مبتقبلش ده، و90% من الرجالة بيرحبوا بفكرة الست اللي بتشتغل في الول بس، وبعد كده بيتغيروا.

وكانت قد تحدثت رانيا يوسف في أكثر من مناسبة عن تجارب الزواج في حياتها، وأكدت أنها لن تقدم على الزواج الفترة القادمة، وإنها ندمت على الزيجة الثانية والثالثة لها، ونصحت بناتها بعدم الزواج قبل سن الـ 30.

شاهد الفيديو التالي …