بشرى : موهبتي أكبر من الإنتاج لنفسي واستقلت من مهرجان الجونة لأن مجهودي كان ضايع في التعليق على الفساتين

تحدثت بشرى عن سبب تخليها عن منصب رئيس عمليات مهرجان الجونة السينمائي منذ الدورة الأولى له، بالإضافة لسبب ابتعادها عن التمثيل وهل تفكر في الانتاج لنفسها أم لا.

وقالت بشرى خلال لقاءها مع برنامج MBC TRENDING: المهرجان استهلك طاقتي ومحتاجة أتنفس وعايزة تحدي جديد، وبسبب انشغالي في المهرجان قصرت في شغلي كممثلة لإني طول السنة مشغولة في المهرجان، بس أنا مش بتهم الشغل لإنه كان دور مهم في حياتي، وهتواجد في الدورات المقبلة عشان أتفرج على الأفلام، وتخليت عن المنصب عشان مجهودي كله بيضيع في التعليق على الفساتين وكإنه مهرجان فساتين.

وتابعت : هتفرغ لإدارة شركة لإنتاج مشاريع سينمائية وأعمال فنية، وأنا مش هنتج لنفسي واللي عايز يجيبلي شغل كممثلة يكون برا إنتاجات الشركة، وأنا شايفة إن موهبتي أكبر من إني أنتج لنفسي، وعدم الانتباه لموهبتي خلل وعيب في السوق.

ومن ناحية أخرى، قدمت بشرى مؤخرا فيلم معالي ماما والذي عرض في دور العرض السينمائي مؤخرا، وشارك في بطولته كل من: محمود الليثي، نور قدري، شيماء سيف، سامي مغاوري، والفيلم من تأليف نادر صلاح الدين ومن إخراج أحمد نور.