بالفيديو .. هنادى مهنا : أكرم حسنى ممثل شاطر وأتابع مسلسل الكبير وبحب مربوحة

 يواصل صناع مسلسل مكتوب عليا تصوير العمل الذي يعرض حاليًا في الموسم الرمضاني، من بطولة أكرم حسني، عمرو عبدالجليل، هنادي مهنا، وأيتن عامر، ومن تأليف إيهاب بليبل، وإخراج خالد الحلفاوي.

والتقت كاميرا خبر أبيض مع هنادي مهنا للحديث عن نجاح العمل وكواليس تصويره، وقالت هنادي : تعبنا جدًا في المسلسل وعملناه بحب وكنا متحسمين أن الناس تشوف شغلنا وكريم أبو ذكري المنتج وخالد الحلفاوي المخرج تعبوا جدا، وأتمنى أن العمل يستمر في نفس النجاح والناس تبقى مبسوطة به.

واستكملت : أنا سعيدة جدًا بالمشاركة مع فريق العمل وكان على رأسهم أيتن عامر في دور رقية لأنها مبهرة ودمها خفيف جدًا، وكنت بضحك من قلبي على مشاهدها ومشاهد إسماعيل فرغلي في دور الأب.

وعن تريند أغنية ستو انا قالت : هي اسم دلع لسلمى، وأكرم حسني كتبها وغناها عشان يبهر بيها سلمى في أول خروجة ليهم سوا في أحداث المسلسل، وهو شخص ملتزم، وبحب مشاهدنا سوا ومش بنعيدها كتير، وأنا من جمهور أكرم من زمان لما كان بيقدم شخصية أبو حفيظة.

وعن المنافسة مع المسلسلات الكوميدية في رمضان تابعت : مقدرش أصنف مسلسل مكتوب عليا وسط الأعمال، وشايفة أنها مش منافسة خالص لأننا مش رايحين حرب، وحاجة حلوة أن يبقى في أكتر من عمل كوميدي في نفس الوقت، وأكيد كلنا تعبنا عشان نطلع حاجة حلوة تبسط الناس في رمضان حتى لو فيه حاجة وحشة فبنعرف من الناس عشان منكررهاش، وأنا عن نفسي بتابع الكبير 6، وبحب شخصية مربوحة أوي.  

شاهد الفيديو التالي …