هنادي مهنا : اشتغلت مدرسة موسيقي وفرنساوي قبل التمثيل وبشرب قهوة بالزبدة قبل ما أغني زي أم كلثوم

حلت هنادي مهنا أمس ضيفة على برنامج gossips، الذي يبث على يوتيوب، وكشفت خلال الحلقة عن ذكريات طفولتها وحياتها قبل التمثيل.

وقالت هنادي : بشرب قهوة بالزبدة قبل تسجيل الأغاني، بناء على نصيحة والدي، الذى قال لي إن أم كلثوم كانت بتعمل كده قبل تسجيل الأغاني والحفلات.

كما كشفت هنادي عن سرقة بيتها في إسبانيا وقالت : كانت غلطتي بصراحة لأني مكنتش غيرت كالون الباب، ومكنتش أعرف إني لازم أغيره بعد تأجير البيت، واللي سرق البيت مأخدش فلوس.

وعن مهاراتها في التسويق قالت : اشتغلت حاجات كتير أوي، وكنت ببيع على البحر وكل يوم بغير المنتج، والناس كانت بتشتري مني، وعن حياتها قبل التمثيل قالت : اشتغلت مُدرسة وكنت بدرس موسيقي وفرنساوي ولسه عايزة أفتح حضانة.

أما عن أغنية ستو أنا في مسلسل مكتوب عليا فقالت : كنت المفروض أغنيها مع أكرم حسني، ولكن بسبب الدراما أيتن عامر اللي غنتها، لأنها لايقة أكتر فيها.

وأضافت هنادي خلال الحلقة : بحب الأكل جدًا وبعرف أطبخ حاجات كتير وست بيت شاطرة وده بسبب إني كنت بسافر وعايشة لوحدي ووالدتي علمتني أساسيات الطبخ وأنا بضيف اللي بتعلمه جديد.