أمير كرارة : فى بداياتى كنت بظهر فى برنامج عمرو أديب أسقف وأخد 50 جنيه وفكرت أسيب مصر بعد فشل أول مسلسل
حل أمير كرارة ضيفا على برنامج حبر سري، المذاع على قناة القاهرة والناس، وتحدث عن السبب الحقيقي لعدم تقديمه الدعم لشقيقه أحمد كرارة في مجال التمثيل.
وقال كرارة : يقال إني جدع مع الجميع إلا شقيقي أحمد وإني لا أقدم له الدعم في مجال التمثيل ولكن ردي هو أن ما أفعله وابتعادي عن عمله هو في حد ذاته جدعنة معه، نحن بطبيعتنا قريبين جداً مع بعضنا البعض، وهو مقتنع بأن هذا تصرف سليم وهو نفسه يعمل بشكل جيد ولا يجب أن نجتمع في عمل واحد وأتمنى أن أراه أفضل مني مليون مرة فهو شقيقي الأكبر وأغلى الناس عندي.
وعن بداياته قال : أنا طول عمري بقول إن مافيش حاجه اسمها حظ .. اسمها توفيق من عند ربنا، وأنا بحب أبقي فنان محترم بيعرف يعمل كل حاجة.
وأضاف : أنا بقالي 21 سنة في الشغلانة دي وابتديت وأنا بطلع في البرامج أسقف وأخد 50 جنيه، ومنهم برنامج لـ عمرو أديب وكان اسمه سوارية، وكان عندي بدلة وواحد صاحبي بدلة، وكنا بنبدل في البدل علشان ناخد 100 جنيه في اليوم ونطلع في حلقتين، وابتديت في المسلسلات من مشاهد صامته بكلمة وكلمتين لحد ما وصلت للي أنا فيه، وفخور جدا بكل ده ومبسوط باللي وصلت له.
وواصل: في فترة بعد ما عملت مسلسل ليا ومانجحش وابتديت أكلم المنتجين وماحدش يرد ومفيش حد بيكلمني قررت أسيب مصر وأشتغل مع واحد صاحبي في لندن ونفتح مطعم وكلمته فعلا وكنت خلاص مسافر بس محمد عبدالحميد منتج مسلسل كلبش كلمنى، وقلت له مش عايز أشتغل وكنت في حالة يأس كبيرة أوي فقالي طيب جرب، ولما عملت المسلسل كرم ربنا نزل فجأة.
