محمد صلاح : أم مكة شايلة عني كتير بسبب ضغط شغلي واتعرفت عليها في المدرسة واحنا صغيرين

حل محمد صلاح قائد منتخب مصر المحترف بصفوف ليفربول الإنجليزي، في لقاء خاص مع إسعاد يونس على قناة DMC، وتحدث عن الكثير من الأمور الشخصية بعيدًا عن الملاعب وعلاقته بأسرته وزملائه، إلى جانب كواليس مهمة يكشف عنها النجم العالمى للمرة الأولى.

وقال محمد صلاح خلال الحلقة : أم مكة مراتي ست علي طبيعتها، وهي أكتر واحدة بتعاني في ظل انشغالي وضغط شغلي في التدريب والماتشات، ومهما أقول مقدرش أديها حقها، وأضاف : بداية معرفتي بيها كنا أطفال في نفس المدرسة. علشان احنا من بلد واحدة وكنا بنلعب سوا وبنتخانق، ولكن بعد سنين اتكلمنا من تاني تحديدا واحنا في الجامعة.

واستكمل محمد صلاح : ومن بعد كلامنا في الجامعة بعامين اتخطبنا رسمي، وكان وشها حلو عليّ لإن أول ما اتجوزنا مضيت في نادي تشيلسي، وماجي مراتي طبعها هادي وملهاش في السوشيال ميديا خالص، وأنا كمان شخص هادي بيتي وشغلي هما أهم حاجة عندي.