ميمي جمال : منى زكي تسرعت في تقديم أصحاب ولا أعز وهادي الباجوري غلط في تصريحاته عن ياسمين رئيس

تحدثت ميمي جمال عن رأيها في مشاركة منى زكي بفيلم أصحاب ولا أعز، الذي أحدث ضجة كبيرة بعد عرضه مؤخرًا عبر نتفليكس، كما عبرت عن استيائها من تصريحات المخرج هادي الباجوري عن زوجته ياسمين رئيس، وجاء ذلك خلال استضافتها أمس ببرنامج كلام الناس، مع الإعلامية ياسمين عز والمذاع عبر شاشة mbc مصر.

حيث قالت ميمي جمال عن مشاركة منى زكي في بطولة فيلم أصحاب ولا أعز : اختارت غلط، الناس مش من حقها تهاجم، لكن تعترض، ممكن تقولي سوء اختيار هي اختارت الدور دا غلط، هي فنانة كويسة جدًا وممثلة ممتازة، لكن لكل جواد كبوة، هي تسرعت، وممكن مفكرتش كويس أو خدت الموضوع بشكل حضاري قوي ومنفتح قوي، وإحنا لسه موصلناش لدا، والفيلم اتعمل في كل بلد وكل بلد لها عاداتها وتقاليدها وإحنا ممكن لم نتقبل هذا الفيلم.

بينما علقت وكشفت عن رأيها في انفصال هادي الباجوري وياسمين رئيس بعد تصريحاته الأخيرة حول قبوله أن تؤدي زوجته مشاهد رومانسية حيث قالت : لو دا طبعه خليه في حاله، لو رجولتك بتقولك إنك موافق، خلاص متطلعش على الهواء وتعمل كدا، هي ياسمين برضه لما سمعته، أعتقد إنهم انفصلوا.

وأضافت : أنا شفت الحلقة واستغربته جدًا، إحنا ياناس ناسيين حاجة واحدة إن إحنا مصريين شرقيين، إحنا عندنا الطبع بيغلب التطبع.