تامر حسني ينشر صور من كواليس فيلمه الجديد بحبك : هنقدم الضحك في إطار رومانسي
انفرد خبر أبيض منذ قليل بنشر اسم فيلم تامر حسني الجديد، والذي سيحمل اسم بحبك، وتشاركه بطولته هنا الزاهد، ويتحدى تامر نفسه من خلاله حيث يجمع بين البطولة والتأليف والإخراج لأول مرة في عمل واحد.
وشارك تامر عبر حسابه على إنستجرام الصور الأولى من كواليس الفيلم، وجمعته بهنا الزاهد ومدحت تيخا وشقيقه المنتج حسام حسني، وعلق : دي صور من أول يومين تصوير لفيلمنا الجديد بحبك، طبعًا في ناس هتقرأ اسم الفيلم بحبِك وناس هتقراه بحبَك دا طبعاً مقصود، عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثي للرجل في احداث فعلًا محيرة جدًا.
وتابع : الفيلم أكيد فيه ضحك بس في إطار رومانسي بحت مش موجود بقاله كتير، اتشرفت بمشاركة نجمة اليوم والمستقبل الجميلة هنا الزاهد و مبسوط أني أول من اكتشفها في بداية حياتها، وفي الفيلم دا بكتشفها تاني، وبقدمها بشكل جديد عليها وعليكم، ومبسوط جدًا لمشاركة حبيب قلبي نجم الكوميديا الكبير حمدي الميرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صوره بس في Hول يوم تصوير له ههريه صور.
واستكمل : وانتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير إن شاء الله، و فرحان جدًا بانضمام الفنان الموهوب أوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه، الفيلم من إنتاج حبايب قلبي و أصدقاء العمر سينرچي أحمد بدوي، تي ايتش برودكشن حسام حسني، وسكاي ليميت أحمد الدسوقي.
وكان تامر حسني قد قدم فيلم مش أنا في يونيو 2021، وحقق نجاحًا كبيرًا في السينمات، ,هو من بطولة حلا شيحة، ماجد الكدواني، سوسن بدر،فايز المالكي، بجانب عدد من ضيوف الشرف، أبرزهم إياد نصار، محمد عبدالرحمن، وعصام السقا، والعمل قصة وتأليف تامر حسني وإخراج سارة وفيق.
