أحمد العوضي : الناس بتحبنا أنا وياسمين عبدالعزيز عشان إحنا حقيقيين وأغيب عن رمضان 2022 بسبب فيلم جديد
تحدث أحمد العوضي عن علاقته بزوجته ياسمين عبدالعزيز، كما كشف عن أسرار في حياتهما الشخصية، وهواياته المفضلة، وأعماله الفنية القادمة، وموقفه من المشاركة في السباق الرمضاني المقبل 2022.
وقال العوضي في مداخلة هاتفية ببرنامج زق عجلك على شعبي اف ام : الناس بتحبنا أنا وياسمين لأننا طبعيين وحقيقيين، ومش بنصطنع أي مشاعر بيننا، وأكيد بيحصل بينا مشاكل زي أي اتنين بيحبوا بعض.
وأضاف : لكنها بتختلف عن مشاكل الجواز العادي عشان الحب، وإحنا مش متجوزين من أجل الجواز، أنا على طول بصالح ياسمين لو اختلفنا مع بعض، وبعتبر ده مش تقليل مني، لأن أنا الراجل وبحبها.
واستكمل العوضي : التمرين والجيم كل حياتي، وأنا بلعب بوكس من صغري، وساعات بنبقا سوا أنا وياسمين، وبمناسبة عيد الحب، كنت عايز أقول أنك ممكن تعبر عن حبك لوالدك أو والدتك وتقولهم هابي فلانتين، وبلاش نختذل الحب بين الراجل ومراته.
وعن أعماله القادمة قال : مشغول بفيلم جديد هينزل في العيد الكبير، وهغيب عن رمضان القادم، عشان أركز فيه، وأوحش الناس الموسم ده.
