وائل جسار : عملت أغنية يوم زفافك لمراتى لأنها كانت هتتجوز وأنا خطبتها

تحدث وائل جسار عن كواليس بعض أغنياته الرومانسية بمناسبة عيد الحب، وذلك خلال مداخلة هاتفية لبرنامج تريو، من تقديم الإعلامية مها بنسي على إذاعة نغم FM.

حيث قال عن الحب بالنسبة له : الواحد مايقدرش يكدب على نفسه لو ما عندي الإحساس الصادق مكنش بان في أغنياتي، فكل ما يطلع من القلب بيوصل للقلب مباشرة.

وأضاف : لما يكون فيه توافق بين طرفين فكل يوم عندهم عيد حب، وأنا زيي زي كل الرجال الشرقيين ولم أخلق في قالب لوحدي ولا نازل من السما، أنا بزعل وبفرح وبحس كل الأحاسيس، أنا من النوع اللي بحب بيتي، وممنوع يكون فيه زعل لازم يكون فيه حب وحنان وعواطف، بالنهاية جايين على الدنيا مرة واحدة، وممكن أيام تزعل في الشغل، ولكن في النهاية بنحاول ندور على الفرحة وعلى الحب والإحساس، لأن من غيرهم مقدرش أعيش ومقدرش أكمل. 

أما عن كواليس أغنية يوم زفافك قال : الأغنية دي كانت لزوجتي لأنها كانت هتتجوز وأنا خطبتها، مختتمًا حديثه برسالة لزوجته قائلا : ربنا يخليكي ليا وبرفع راسي بيكي لأنك بتتعبي ليا ولعيالي.