هنيدي : بحب الشغل مع أصحابي وأشرف عبدالباقي أبهرني بتقليد عماد حمدي ويحيى شاهين في فوازير أبيض وأسود
واصل أشرف عبدالباقي حديثه مع برنامج هنيدي شو، الذي يقدمه محمد هنيدي، على قناة المحور، وتحدث عن كواليس فيلم صاحب صاحبه، الذي جمعه بهنيدي منذ عدة سنوات.
وقال أشرف عبدالباقي : أنت يا هنيدي من الناس اللي ينطبق عليهم لقب صاحب صاحبه بجد، وكنت بتقف مع كل زمايلك في أفلامهم، وأضاف : عملنا أبيض وأسود وكان أول تعاون لنا مع علاء مرسي، وشارك الفريق في ست كوم وأنت عامل إيه، مع علاء ولي الدين، وحققت تلك الأعمال نجاح كبير وقت عرضها.
وقال هنيدي : أنا من الناس اللي بتستمتع بالشغل مع صحابهم، وأشرف عبدالباقي أبهرني في تقديم شخصية عماد حمدي ويحيى شاهين في فوازير أبيض وأسود، وأضاف : لسه الدنيا بخير، أنا عايز الناس يودوا بعض ويزوروا بعض ويحبوا بعض.
وكان قد تحدث أشرف عبدالباقي أمس عن علاقته بكرة القدم وقال : مكنتش بلعب كورة، وصحابي مكانوش بيلاعبوني معاهم لأني مبعرفش ألعب، لو حد دخل عليا بياخد الكورة، علشان كده كانوا بيوقفوني جون وبرضو فشلت، واشتريت صفارة علشان أبقى حكم قالوا مش عايزين تحكيم، علشان كده أنا مريح دماغي من الدوري والكأس والمباريات.
