ويجز : طفولتي كانت قاسية وماكنتش بحلم أكون مغني ولما غنيت بقيت ويجز

حل ويجز ضيفًا في برنامج ABtalks على يوتيوب وصرح أن طفولته قاسية وقال : طفولتي كانت قاسية، علشان كنت بتنقل كتير ومش ثابت في مكان، بس كانت ضرورية علشان أكون الشخص ده دلوقتي.

وأضاف : والدي كان قاسي معايا وكان عايزني أشتغل، لولا ده أنا ماكنتش اشتغلت ووصلت لمكاني دلوقتي، فلو بتسألني عايز أغير حاجة في طفولتي، لا أنا مش عايز حاجة تتغير زمان، علشان مش عايز حاجة تتغير دلوقتي.

وأكمل حديثه : أنا كان بيبقي معايا 20 أو 30 جنيه وكنت بعيش بيهم، ماكنتش بحب أطلب من حد حاجة، وماكنتش بحلم أكون مغني، ولما غنيت بقيت ويجز، وقال : أنا راضي من زمان جدًا، من بعد أول 100 جنيه بقت معايا، وحاليًا مش بحلم بجنيه زيادة.

ومن ناحية أخرى كان قد شارك ويجز في بطولة مسلسل بيمبو، إلي جانب أحمد مالك وهدى المفتي، وجسد ويجز في المسلسل شخصية شاب صعيدي، والمسلسل من تأليف محمد أديب وعدد من الكتاب الشباب، ومن إخراج عمرو سلامة وعمر رشدي.