نوال الزغبي : خسرت 17 مليون دولار لأني طيبة زيادة عن اللزوم واللي يغير من نجاح مراته مش راجل

واصلت اللبنانية نوال الزغبي حديثها مع برنامج حبر سري، الذي تقدمه الإعلامية أسما إبراهيم، على قناة القاهرة والناس، وكشفت خلال حديثها في الجزء الثاني من اللقاء عن أسرار جديدة عن حياتها الشخصية والفنية.

وقالت نوال : لم أشارك في مهرجان الموسيقى العربية في مصر بسبب انشغالي في كل الأوقات التي طلبوا مني فيها المشاركة في حفلات هناك، والآن نحضر لحفل من المقرر إقامته الفترة المقبلة، وعن أغرب الحفلات التي أحيتها قالت : كنت بحضر لحفل بالصعيد، وكان في أمن كتير جدًا، وكنا نازلين في فندق صغير، كنت لما بفتح باب البلكونة بلاقي عساكر واقفين جوا، واستغربت من التأمين الزيادة، لأني جاية أغني لجمهوري اللي بيحبني.

وتابعت : الراجل اللي بيغير من نجاح مراته شبه راجل، ومش عنده ثقة في نفسه، وكل الناس اللي بتغير مني بحقد ببعد عنهم، وأكتر شخص بثق فيه حاليًا هو أخويا مارسيل الزغبي، وهو شاطر جدًا ويعتمد عليه كتير، وعلشان أثق في حد لازم حاجات كتير تحصل من الشخص ده.

وعن خسارتها 17 مليون دولار، قالت : خسرت كتير فلوس في حياتي، وتضايقت قوي لكن قولت لنفسي إن ربنا هو اللي بيدي وهو اللي بياخد، وأنا كنت طيبة زيادة عن اللزوم، وهي المواقف دي اللي بتخلينا نتعلم، وأضافت : الإعلانات بتضيف للنجم فلوس، لكن لو اتعرض عليّ إعلان من شركة صغيرة برفض، لازم تكون شركة كبيرة.