محمد هنيدي : اقتبست شخصية رمضان مبروك من واحد قريبي والفيلم كان وشه حلو على كل أبطاله
استضاف محمد هنيدي في حلقة، اليوم، من برنامج هنيدي شو، عدد من أبطال فيلم رمضان مبروك أبو العلمين حمودة، وهم عمر مصطفى متولي وطارق الإبياري وفتلة، وتحدثوا جميعًا عن كواليس مشاركتهم في فيلم رمضان مبروك أبو العلمين حمودة.
وقال هنيدي : لما بدأنا نحضر للفيلم مع وائل إحسان كان في مشكلة في اختيار الأولاد اللي هيشاركوا في الفيلم وبعدها بدأنا واحدة واحدة نتعرف على الأولاد، وكان فيلم جميل جدًا وكان فاتحة خير وورشة حلو علينا كلنا.
وتابع هنيدي : كان في واحد قريبي شبة رمضان، شغال في التربية والتعليم، وكان ليالي النضارة وبيروح المدرسة بالعجلة والبدل بتاعته، شخصيته لفتت نظري وقررت أتابعه، وقدمت شخصيته في الفيلم.
وعن كواليس مشاركتهم مع سيرين عبدالنور قال فتلة : كنت أول مرة أشوف فنانة لبنانية في حياتي، وكنت عايز أطلع كوبس، وهي كمان كانت حلوة قوي، بينما قال طارق الإبياري: اقترحت مشهد كوميدي معها أثناء التصوير والأستاذ وائل إحسان وافق عليه، بينما قال عمر مصطفى متولي : كنت بحاول أبقى تقيل قدامها علشان ألفت نظرها، لأنها كانت طويلة وأنا بحب البنات الطويلة.
