نيللي كريم : زواجي من هشام عاشور أعتبره التالتة تابتة ولا أحب مصطلح السينما النظيفة

حلت كل من نيللي كريم ومايا دياب ضيفتين على برنامج بصراحة مع، المذاع على قناة mbc، وتحدثتا عن حياتهما الشخصية وذكريات الطفولة وأصعب المواقف في حياتهما.

وعن مصطلح السينما النظيفة قالت نيللي كريم : لا أحب مصطلح السينما النظيفة، وأنا مع السينما الحلوة، والمشاهد التي يتكلمون عنها هي مشاهد حب، وحظي حلو إني اشتغلت مع مخرجين كثير، ولما بنشوف مشاهد في أفلام زمان بنبتسم، وفي مخرجين مش بحب أشتغل معاهم لأني مش ببقى عارفة هيعمل المشاهد دي إزاي، وفي مخرجين ببقى مغمضة وأنا بعمل معاه الفيلم زي محمد دياب اللي قدمت معاه فيلم 678، والفيلم ده اتعرض في أمريكا، وعجب الناس جدًا والرسالة وصلت للناس بدون ما حد يلمس حد.

وعن حياتها العاطفية قالت نيللي : التالتة تابتة، الحمد لله كده كفاية، وأضافت : بحب الصور، معظم بوستاتي صور من أعمالي، ومكن أبطل أمثل لما أحسن إني مش عايزة أقدم حاجة جديدة، وبقالي فترة عايزة أخرج، ومش بخاف من تقدم السن لأني حاسة إني عملت حاجات كتير كنت عايزة أعملها، وقالت نيللي عن إمكانية التبرع بأعضائها : لست مع أو ضد هذا الأمر، ولكني مش متخيلة الموضوع، لكن حاجة كويسة إنى أساهم في إنقاذ حياة شخص آخر.