بهاء الدين محمد يهاجم شيرين عبدالوهاب : الصوت اللي بيغني ميتكلمش خاصة لو مبيعرفش يتكلم

شن الشاعر بهاء الدين محمد هجومًا على أحد المطربين دون ذكر اسمه، لحديثه في إحدى البرامج التليفزيونية، وانتقد طريقة اختياره لملابسه، وذلك عبر حسابه الشخصي على موقع التواصل الاجتماعي فيسبوك، وهو ما فسره البعض بأنه حديث موجه لـ شيرين عبدالوهاب التي حلت ضيفة أمس على برنامج صاحبة السعادة.

وكتب بهاء : طول عمرى بقول الصوت اللى بيغني المفروض مايتكلمش نهائى ويغنى وبس، وخاصة لو مابيعرفش يتكلم، وتابع : اللى بيغنى لما بيتكلم وهو مش عارف هيكسب بكلامه إيه يبقى يسكت خالص، ويعرف إن نجوميته وخبرته ف الغنا وبس مش في تقديم نفسه صح.

وأضاف : مهما حاول اللى بيقدم البرنامج إنقاذه برضه بيبان بصورة تاخد من نجوميته وتكشف المستوى اللى المفروض مايبانش للناس، حتى لو حافظ كلام أو مصطلحات أو حتى بيعرف يتكلم بلاش، واللى بأقوله ده منهج اللى عارفينه هيفهموني.

واستكمل : الأخطر من كده لازم يعرف يلبس إيه وإمتى وفين، لأن الأخطاء في اختيار اللى بيغنيه ممكن جماهيره تغفرله أى حاجه لأنها بتحبه، وأضاف : لكن لما يكون فاشل ف الكلام واللبس بيخسر جزء من نجوميته في كل حوار.

واختتم حديثه : باختصار لابد من إدارة قوية لكل صوت مابيعرفش يدير نفسه ويسكت ويسمع الكلام، معلش أصل الموضوع مش صوت حلو وبس.

وجدير بالذكر أن شيرين عبدالوهاب قد حلت بالأمس ضيفة على برنامج صاحبة السعادة، الذي تقدمه إسعاد يونس، في سهرة ليلة رأس السنة 2022، وظهرت برفقة ابنتيها، وكشفت أسرار عن حياتها الفنية والشخصية.