بهاء سلطان : تعالى أدلعك آخر عمل لي مع نصر محروس وأعتبرها هدية منه بعد سنوات النجاح
تحدث بهاء سلطان عن علاقتة بالمنتج نصر محروس، خلال حديثه في برنامج صاحبة السعادة، وكشف عن العديد من الأسرار عن كواليس علاقته بالمنتج الذي قدمه منذ بدايته.
وقال بهاء سلطان : نصر كان بيسألني أنت عايز تغني إيه وكان بيدعمني دايمًا، وكان بيبقى شايف حاجات أنا مش شايفها، وعايز يوصل للنتيجة دي، وتابع : هو قالي إنه موافق إني أشتغل بره وعرض على التعاون في أغنية تعالى أدلعك كآخر عمل مشترك بينا، ووافقت على الفور بدون تفكير لأني اعتبرتها هدية منه بعد التعاون الطويل بيننا.
وقال نصر محروس : بهاء طيب جدًا ومحتاج اللي يفهمه، وأنا النهاردة عايز أقولك بعد إذن الجمهور والإعلام، دي براءة ذمة من أي حقوق مالية لي لدى بهاء، وهديتي لبهاء سلطان أغنية تعالى أدلعك، وهي من كلماتي وإخراجي.
وتابع : تربطني علاقات قوية مع كل المطربين اللي تعاونت معاهم بهاء وشيرين ومحمد فؤاد، وغيرهم من النجوم، وعن الألبوم المؤجل طرحه منذ 8 سنوات قال : الموسيقى مش قديمة، لأني بعمل موسيقى متطورة.
