محمد هنيدي : رفضنا نغني في فرح بعد صعيدي في الجامعة الأمريكية وكنت بحب أسوق عربية السقا

واصل أحمد السقا ومحمد هنيدي حديثهما عن فيلم همام في أمستردام، واستعادا سويًا ذكريات التصوير وكواليس العمل والمواقف التي لا ينساها كل منهما في هذا الفيلم، وذلك خلال حلقة الأمس من برنامج هنيدي شو الذي يُعرض على شاشة قناة المحور.

وقال هنيدي : بدأنا تصوير فيلم همام ليلة العيد، والمخرج سعيد حامد نزل كاميرات صورت صلاة العيد في الشارع وبدأ الفيلم بأغنية يا ليلة العيد، وعن ذكرياته مع أغاني فيلم صعيدي في الجامعة الأمريكية تابع : بعد الفيلم اتصل بينا عمدة من بنها طلب مننا نغني في فرح، ولما قولناله ده كان في الفيلم، قال : مانتوا غنيتوا في الفيلم هتتكبروا علينا ولا إيه؟، بس ياريتنا كنا لعبناها.

وعن علاقته بالسقا قال : شارعنا ضيق جدًا والسقا كان بيجيلي البيت في إمبابة بالعربية السيات وكان بيدخل بيها الحارة ويقف فوق العربية وينادي عليا من البلكونة بتاعتنا، وعشنا بالعربية دي كتير، وكنت بحب أسوقها.

وقال السقا : والد هنيدي الله يرحمه كان معاه عربية 125، ومكنش بيرضى يديهاله لأنه لما بياخدها بيختفي، ولما كنت أروحله البيت علشان أخده وننزل كان بيشترط هو اللي يسوق العربية علشان مينفعش يقعد جنب اللي بيسوق.