محمد هنيدى : أم أمى اسمها بمبى وأم أبويا اسمها خضرا وجدى ساب لى عصايا وطربوش
واصل محمد هنيدي حديثه مع ضيفيه الفنانة القديرة سميحة أيوب وباسم سمرة، في الجزء الثاني من حلقة فيلم تيتة رهيبة، ضمن برنامجه هنيدي شو، وكشف عن ذكرياته في مرحلة الطفولة.
وقال هنيدي : الأستاذ عبدالرحمن أبو زهرة كان جدي في الفيلم وكان بيفكرني بجدي الحقيقي، اللي كانت علاقتي بيه كويسة جدًا، حتى لما تعب وقبل ما يتوفى ساب حاجات وقال دي ياخدها محمد، افتركها جنيهات دهب، ولما روحت لقيتها العكاز والطاقية بتاعته.
وتابع : جدتى أم أمي كان اسمها بمبى، وأم أبويا اسمها خضرا، ولما كان حد بيسأل والدي ويقول الأسامي دي يفتكروه بيهزر.
وقال باسم سمرة : عملت في بدايتي مدرس رسم صناعي، وكنت أرسم الباب مثلًا قبل ما ننفذه، وكنت برسم للطلبة وعملت معاهم فيلم اسمه صبيان وبنات، وقال هنيدي : أنا عرفت إن معدات الرسم اللي كان الطلبة بيستعملوها كان باسم هو اللي بيدفع تمنها.
كذلك تحدث باسم عن أغاني المهرجانات وقال : الموسيقى اللي بنسمعها نتاج الثقافة اللي عايشينها دلوقتي وبتعبر عن الشباب.
