والد ياسمين صبري ينشر صورها مع زوجها الأول طبيب العيون : خطوبتهما كانت في منزلي

رد أشرف صبري، والد ياسمين صبري، على تصريحات ابنته والتي خرجت بها منذ يومين، والتي هاجمته خلالها وأكدت أنها لم تعرف سوى والدتها وجدتها في طفولتها، ونشر أشرف صور من خطوبة ياسمين عبر حسابه على موقع فيسبوك.

 

وعلق على الصور قائلاً : بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة، وقدرت تطعن أبوها في ظهره.

 

وتابع : أصدقاؤنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا، ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها.

 

وأضاف : الكدب ده بيبرر بالنسبة لها سبب عدم حضورها فرح أخوها، ولو أب اهتم بفرح ابنه وزعلان إن إخواته ماجوش مش حيهتم ببنته؟.

 

وواصل : أنا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش إنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا، واتجوزت من ورايا وبدون علمي بعد التربية اللي عملتهالها وعشان كده أنا مش معترف بجوازها اللي من ورا ضهري ده. وحسبي الله ونعم الوكيل.

 

 

وكانت قد حلت ياسمين صبري، ضيفة على برنامج ABtalks، الذي يقدمه أنس بوخش عبر قناته الرسمية على يوتيوب، وقالت عن والدها : لم أرى في حياتي سوى أمي وجدتي، ووالدي انفصل عن والدتي وعمري سنتين فقط، ومنذ ذلك الحين لم أره، والسبب إنه اختار نفسه، والحياة اختيارات.