إيمي سمير غانم في رسالة مؤثرة : كل ما الوقت بيعدي على رحيل والدي ووالدتي حالتي بتبقى أسوأ
عبرت إيمي سمير غانم عن ألمها الشديد لرحيل والديها النجمين سمير غانم ودلال عبدالعزيز، حيث نشرت رسالة مؤثرة عبر حسابها على موقع إنستجرام وقالت : كل لحظه بتمر عليا شايفاكوا قدام عيني وأنتوا بتتألموا، وأنا ودنيا مش عارفين نعمل حاجة .. الحمدلله الحمدلله الحمدلله بس أنا مش عارفة أكون تمام .. كل وقت بيعدي كنت فاكرة هكون أحسن، بس الحقيقة إني أوحش من الأول، وكل حاجة عملتها بس مش بهدى.
واستكملت : الحمدلله على نعمة الصلاة والتسبيح و الدعاء .. أكيد بطلب من كل اللي بيحبني يدعي لي أكون كويسة وأصبر أكتر من كدة، والحمدلله على أي ابتلاء أنا راضية.
ورحل سمير غانم عن عالمنا يوم العشرين من شهر مايو الماضي، عن عمر ناهز الـ 84 عاما، بعد صراع مع المرض، متأثراً بإصابته بفيروس كورونا، ولحقت به زوجته دلال عبدالعزيز، في السابع من شهر أغسطس الماضي، بعد حوالي 77 يومًا من وفاته.
