سمية الخشاب : أطالب برخصة وامتحانات للأزواج قبل الإنجاب واللى يسقط ياخد كورس
نشرت سمية الخشاب عبر حسابها الرسمى على موقع تويتر، منذ قليل، تدوينة طالبت من خلالها بعمل رخصة للمتزوجين الجدد.
وقالت الخشاب : أنا بطالب بـ عمل رخصة وإمتحان للإنجاب، يعني قبل ما الأزواج يخلفوا يروحوا يطلبوا الرخصة دى، ويتعمل لهم إختبار هل هما مؤهلين يربوا أو لأ .. وهل هيطلعوا نشأ كويس للمجتمع، واللي يسقط في الامتحان يعملوا له علاج نفسى وياخد كورس تدريب لحد ما ينجح علشان ميظلموش الأطفال معاهم.
واعتادت سمية الخشاب إثارة الجدل، خلال الفترة الماضية بنشر عدد من التغريدات التي قدمت فيها النصائح لجمهورها ومنها تغريدة قالت فيها للطلاب : إعزلوا نفسكم عن صحابكم التوكسيك اللي بيقعدوا يقولوا هنشيل ونعمل وفالاخر تلاقيهم جايبين A فكله.
وقبل تلك التغريدات نشرت سمية الخشاب العديد من النصائح التي قدمتها للطلاب بمختلف المراحل الدراسية، حيث بدأت بأول نصيحة قائلة : حبايبي أنا عارفه انكم بتمتحنوا دلوقتي قلبي معاكم وأول ما تبقوا stressed قوموا ارقصوا.
