سعد الصغير يرد على هجوم الجمهور بسبب تبني الطفلين : دى تجارة مع الله ومحدش بيضحك على ربنا
رد سعد الصغير منذ قليل على الانتقادات التى وجهها له البعض بعد إعلانه تبني طفلين وجدهما صدفة فى الشارع.
وقال سعد عبر صفحته على فيسبوك : أتمنى من الناس اللي بتقول شو وترند والكلام ده يسمعوا كويس الكلام اللي في المداخلة فقط اللي مش بتاع سعد الصغير ده مش محتاج الترند ولا محتاج حد يقول سعد عمل ومش عمل.. التجارة مع الله فوق أي شيء.
وتابع سعد : يا ريت الناس اللي فاضية وبتتكلم تعمل خير .. ولو عايز أعمل شو يا جماعة والله والله مش هعمل بطفلين .. عندي حاجات أكتر من كدا ممكن أعمل شو.. ربنا محدش بيضحك عليه.. وربنا يكرمنا ونفضل ونعمل خير.
وكان سعد قد أعلن مؤخرا تبنيه طفلين صادفهما فى الإسكندرية على الرصيف، وأكد أن الطفلين يحيى ومحمد ضحية التفكك الأسرى وأن والديهما انفصلا منذ فترة وكل منهما تزوج، وتركا الطفلين فى الشارع.
ورغم أن الكثيرين توجهوا بالشكر والتحية لسعد على تلك اللفتة الطيبة، إلا أن البعض انتقده بحجة أنه يسعى للشو وركوب الترند من وراء تلك الخطوة.
