هنا الزاهد فى الذكرى الثالثة لخطوبتها إلى أحمد فهمى : مسمينى على الموبايل كتكت واتخانقت معاه مرتين وعملت له بلوك

احتفلت اليوم هنا الزاهد بالذكرى الثالثة لخطوبتها إلى أحمد فهمي، وقالت هنا خلال إستضافتها في برنامج في البوكس، رداً على سؤال عن سر قيامها بعمل بلوك لزوجها أحمد فهمي مرة واحدة، لتصحح المعلومة بأنها كانت مرتين، بسبب إندلاع مشكلات وخلافات بينهما.

وتابعت هنا قائلة: مكانتش مرة كانت مرتين، علشان كان في خناقة بينا كده، وعملتله بلوك، وكانت الأولى هزار علشان كان بيقعد يشتم، المرة الثانية كانت علي الواتساب، وإحنا بنتكلم وبنبقي متحمسين أوي في الكلام، ويلاقي إن الصورة مبقتش ظاهرة عنده يتصل بيا ويقولي يابنتي إنتي مجنونة.

وأضافت بأنها تلجأ إلي طريقة أخري وقت الخلافات، وعنها قالت : ممكن أقفل السكة في وش أحمد فهمي أو أختي فرح لكن ماما مقدرش.

وكشفت هنا عن إسمها علي موبايل زوجها أحمد فهمي، قائلة : مسميني كتكت بسبب شكل شعري تريقة منه عليا يعني، أما اسم أحمد على تليفوني فقد مر بمراحل، الأولى كانت أحمد فهمي، ثم أصبح أحمد فقط، ثم تطور الأمر وأصبح بوبي، ثم غيرته إلى my love  ثم love.