حمو بيكا : بعت عربيتي بسبب مشاكل الساحل وفتحت مطاعم لأنى زهقت من اللى مركزين معايا

بعد الفيديو المتداول علي السوشيال ميديا لمشاجرات عنيفة بين حمو بيكا وأصدقاءه وبعض الشباب أمام إحدي القري السياحية في مارينا 5 أول أمس، رد حمو، من خلال مداخلة هاتفية مع الإعلامي عمرو أديب، في برنامج الحكاية علي شاشة MBC مصر موضحاً الصورة الكاملة للخلاف الذي حدث.

وقال بيكا : أنا كنت نايم في بيتنا ومعرفش أي حاجة، وصحيت لقيت الدنيا مقلوبة عشان عربيتي كانت عند بوابة مارينا وفي زحمة، وكل ما العربية تيجي تدخل مايرضوش يدخلوها من وقت الحادثة الأولي، وكان في خناقة، علي قدورة دخل يحوش في الخناقة ومسك في واحد، والناس أول ما بيشوفوني بيتلمو عليّا ويصوروا فيديو لأن العربية شكلها أتعرف، وبعت عربيتي عشان مش عايز مشاكل.

وأكد حمو أن المشاجرة الأولى كانت بسبب اصطدامه بإحدى السيارات قبل أسبوع في مارينا، وأنه لم يكن مخطئًا فيها، ولكن الشخص الآخر كان مسرعًا نحوه في الطريق واصطدم به مما تسبب في تلف لسيارته، مؤكدًا أنه حصل على 75 ألف جنيه تعويض.

وتابع : أنا مش عايز مشاكل، وعشان كده اتجهت لفتح مطاعم سندوتشات حمو وكافيه بيكا في أحد المولات بالأسكندرية لأنى زهقت من كل حاجة ومن الناس اللى مركزين معايا، ولم أخالف أي قوانين وبسبب خوف بعض ملاك المطاعم في نفس المكان رفضوا تواجد مشاريعي بجانبهم.