يسرا تحيى الذكري الثانية لوفاة والدتها على السوشيال ميديا : خدتي معاكي الفرح كله
أحيت يسرا الذكري الثانية لوفاة والدتها، وذلك عبر حسابها الرسمي علي موقع الصور الشهير إنستجرام حيث نشرت صور تجمعها بوالدتها وكتبت : أمي الغالية سنتين فاتوا على فراقك .. وحشتيني أوي وحقيقي الحياة من بعدك فيها حاجة ناقصة أوي بنسبالي .. خدتي معاكي يا أمي الفرح كله والحزن كله معاكي، كل حاجة بقت شبه بعضها من بعدك.
واستكملت : يمكن الحاجة اللي مصبرة قلبي على فراقك إني عارفة إنك في مكان أحسن وأنضف وأنقى، مكان مليان حب وسلام وتسبيح لرب الكون سبحانه وتعالى .. وحشتيني ووحشني حضنك وطبطبتك عليا وأنا في حضنك.. حقيقي أنا عايشة برضاكي وبرك عليا ربنا مايحرمني من برك عليا .. ربنا يجمعني بيكي على خير. بشكر كل حد فاكر أمي في دعائه وربنا مايحرمكوش من أي عزيز أو غالي .. فضلا وليس أمرا برجاء الدعاء وقراءة الفاتحة.
يذكر أن يسرا انتهت خلال الأيام الماضية من تصوير فيلمها الجديد ليلة العيد، من بطولتها هي وعبير صبري، نجلاء بدر، سيد رجب، ريهام عبدالغفور، مايان السيد، محمود حافظ، يسرا اللوزي، سميحة أيوب، هنادي مهنا وأحمد خالد صالح، والعمل من تأليف أحمد عبدالله وإخراج سامح عبدالعزيز.
