هاني شاكر : عنبة وموزة لو نجحوا في امتحان النقابة لازم يغيروا أساميهم وأنا بيدلعوني بـ هانو بس ده في البيت
تحدث هاني شاكر نقيب المهن الموسيقية، عن موقف النقابة من مطربي المهرجانات حيث قال : مفيش حاجة اسمها فن مهرجانات أو مطرب مهرجانات أصلاً، اللي عندنا هو فن شعبي وراب فقط.
جاء ذلك خلال مداخلة هاتفية مع الإعلامي عمرو أديب ضمن برنامج الحكاية المذاع عبر فضائية ام بي سي مصر، وأضاف شاكر عن إمكانية انضمام هؤلاء إلى النقابة وتقنين وضعهم : أيوة هقبل اللي يقدم ويمتحن وينجح في الامتحان، وهياخد تصريح بالغناء، وهيبقى تحت سلطة النقابة، وتابع : اللي هينجح في الامتحان هيبقى اسمه مؤدي شعبي وليس مطرب.
وعن موقف عنبة وموزة قال نقيب المهن الموسيقية : هنمتحن موزة وعنبة قريب، ولو نجحوا، فأنا بوجه لهم رسالة من دلوقتي إنهم يغيروا أساميهم، أنا مش هطلع تصريح من عندي في النقابة بالأسامي دي، موزة وعنبة عندك في البيت لكن في النقابة تتكتب باسمك الحقيقي مش الشهرة.
وتابع هاني شاكر مازحًا : أنا في البيت بيدلعوني هانو، معنى كده أطلع تصريح ليا بإسم هانو.
أما عن موقف النقابة من حمو بيكا فقال : حمو بيكا امتحن وسقط، وهو الآن بيجهز نفسه لدخول الامتحان مرة أخرى ولا يوجد لدي مانع في هذا.
