شيرين عبدالوهاب : اللي حصل محتاج رد بعدين وحسام جوزي إنسان نضيف ومفيش خطر على حياتي
نشرت الفنانة شيرين عبدالوهاب عبر حسابها الرسمي علي موقع التغريدات الشهير تويتر، تغريدة كتبت فيها : الرد الصوتي ليا على ما تم و يتم وسيتم تداوله في خلال دقايق... شكرا ليكوا.
وبعد دقائق قالت شيرين في التسجيل الصوتي التي نشرته على إنستجرام: عايزة أطمن كل الناس اللي بتحبني إني بخير ومفيش أي خطر علي حياتي، وبالنسبة للي حصل محتاج رد بعدين بس عايزة أقول إن حسام جوزي ده إنسان من أنضف رجال الدنيا محترم ومتربي وبيحبني أكتر من نفسي، وميستاهلش الهجوم اللي حاصل عليه لإنكوا متعرفهوش.
واستكملت : حسام كان جنبي في وقت كنت متكسرة ومتدمرة وهو اللي بنى شخصيتي ورجعلي ثقتي في نفسي، هو بيحبني أنا وبناتي ومن ساعة ما اتجوزني مستفادش ولا عمل لنفسه أي حاجة، وبالنسبة لحماتي هي ربت راجل أخلاقه وشخصيته عظيمة وهي عظيمة.
واختتمت : ادعولي أنا وحسام بالذرية الصالحة ومفيش أي حاجة من الكلام اللي منتشر حسام نضيف وربنا اللي بعتهولي.
ردي لجمهوري الحبيب و وسائل الاعلام المحترمة. (الجزء الاول) pic.twitter.com/DcfmFWB7H8
— Sherine Abdel-Wahab (@sherine) June 28, 2021
يذكر أن ضجة كبيرة أثيرت أمس وذلك بعد انتشار تسريب منسوب إلى حسين حبيب والد حسام حبيب، وهو يتحدث عن محاولات نجله للاستيلاء على أموال زوجته شيرين عبدالوهاب، وفي أول رد فعل لـ حبيب الأب، نشر على حسابه الرسمي على موقع فيسبوك نافيًا ما تردد قائلًا : قام أحد المواقع اللبنانية من أكثر من عام بفبركة حديث ونسبه لي، ويقوم بعملية ابتزاز، ولكنها لم تنجح، حتى تلاقت إرادتها مع جريده صفراء، بغية عمل خبطة صحفية، ولو لهم فرع في القاهرة سأقاضيهم.
