كل سنة وأنتِ الأمان والحنية والسند .. رسائل النجوم لأمهاتهم فى عيد الأم
يحتفل العالم اليوم 21 مارس بعيد الأم، وقد حرص النجوم والمشاهير فى مصر والوطن العربي علي مشاركة صورهن مع أمهاتهن عبر منصات السوشيال ميديا مع رسائل خاصة احتفالا بهن في هذا اليوم.
حيث نشر أحمد السعدني صورة تجمعه بوالدته وعلق عليها بقوله : كل سنة وانتي ست الناس وأهم الناس وأحلي الناس وكل الناس ربنا يخليكي ليا.
ونشرت حنان مطاوع صورة مع والدتها وكتبت : النهارده مش بس عيد الأم، النهاردة عيد ميلاد أول حب فى حياتى، كل سنة وانتى طيبة يا ماما وربنا يبارك فى عمرك ويقدرنى أسعدك يا حبيبتي.
أما أحمد فتحي فاحتفل بوالدته بطريقة وصور كوميدية وكتب : دى هديتى ليكى فى عيد الأم، الخنجر الملعون، كل سنة وانتي طيبه يامامتى ربنا يخليكى ليا.
ونشر أوس أوس صور لوالدته وزوجته علي إنستجرام وعلق كاتبًا : كل سنة وانتم أغلى أمهات فى حياتى وربنا يخليكم ويحفظكم ليا، وأقدر أرد ربع اللى عملتوه وبتعملوه علشانى، وكل سنة وكل أم بخير يارب.
وشارك هاني رمزي جمهوره علي السوشيال ميديا بصورة مع والدته وكتب : كل سنة وانتي طيبة يا أحلى وأجمل وأحن أم فى الدنيا ربنا يخليكي ليا يارب.
وبطريقة رومانسية عبرت شيماء سيف عن حبها لوالدتها، حيث كتبت : المثل بيقول اللى يدى ابنى بلحة حلاوتها تنزل فى زورى.. معاكى ياقلبي المثل اتغير بقيت أحب اللى يحبك وأعشق اللى تحبيه وأبيع اللى يفكر يدوسلك بس على طرف.. انتى الغالية اللى مفيش فى غلاوتها وانتى قلبى وحبيبتي وحياتى، طول عمرك أرجل من أرجل راجل وخلفتى رجالة كل ما بتقوليلى أنا فخورة بيكى ببقى عايزة أقولك أنا اللى فخورة بيكى إزاى كنتى عارفة تبقى صح طول الوقت وعارفة امتى تبقى حنينة وامتى تبقى شديدة وبتعاقبى وبتشدى وترخى وأحسن ست بيت وأشطر واحدة فى شغلها.. ربنا يحميكى ياكوكو ياحب حياتى.
وشاركت روجينا جمهورها علي إنستجرام بصورتها مع والدتها وعلقت : كل سنة وانتى الأمان والحنية والسند كل سنة وانتى حسك فى الدنيا بيطمنى، كل سنة وانتى دعواتك ليا بتقوينى، كل سنة ورضاكى عنى يبقى سبب فى رضا ربنا عليا، ربنا يحفظك ليا ويرزقك الصحة يا أمى وأفضل تحت رجليكى، كل عيد أم وانتى طيبة، كل عيد أم وكل الأمهات بخير.
أما عصام الحضري فنشر صورة له مع والدته علي إنستجرام وعلق عليها قائلا : رضا أمي ياربي، فما بعد رضاها إلا الجنة.
وشاركت هنا الزاهد جمهورها بمجموعة صور مع والدتها وعلقت عليها كاتبة : بحبك يا أكتر واحدة صاحبتي في الدنيا. بحبك يا أحن أم وأب. احنا كلنا من غيرك ولا حاجة. أقوى وأطيب وأحن ست شفتها.. ربنا يخليكي لينا، الست دي تعبت وكافحت وبعتبرها من أقوى الستات، حقيقي مثلي الأعلى، نفسي أخف عشان أحضنك يا شيري بيري.
